Gotong Royong

Kerja Bakti Wonten Ing Dhusun Kutu Asem

                 Kerja bakti wonten ing Dhusun Kutu Asem rt 01 & rt 02, Sinduadi, Mlati, Sleman, Ngayogyakarta punika katindakaken wonten ing dinten Minggu 27 Oktober 2013. Kerja bakti katindakaken wiwit wanci pukul 07.30 dumugi wanci pukul 11.00, kanthi resik-resik dhusun amargi sampun wiwit musim rendeng. Pramila Bapak Warjana, minangka Kepala Dhusun Kutu Asem sami ngajak dhumateng para kadang masyarakat supados sesarengan kerja bakti. Saking tiyang sepuh, saha tiyang enem, tiyang jaler saha tiyang estri sedaya tumut reresik dhusun kanthi manah ingkang iklas. Menika sampun dados kesadaraning para warga masyarakat anggenipun njagi kasarasaning dhusun, langkung-langkung menika sampun mlebet musim rendeng.

 

                    Lajeng dhusun punika katon resik anggenipun dipunsawang, saha ndadosaken dhusun ingkang langkung saras boten wonten sampah ingkang pating slebar, saluran lepen dipunresiki ndadosaken toya anggenipun mili lancar. Saengga dhusun punika uwal saking bena, saha wabah DBD punika saged dipuncegah. 

Nama  : Muhammad Johan Arifin
NIM     : 11205244029
Kelas   : PBD G 2011
Jur       : PBD / Jawa

PROFIL TOKOH

Jendral Sudirman iku salah sawijining pahlawan Indonesia ka

ng ulet, Jundral Sudirman nduweni sifat kang puguh kaya waja, suthik lamun pasrah. Rikala Jendral Sudirman dadi manggalaning TNI bebarenangan karo rakyat nyirnakake penjajah. Sajroning mandhegani perang gerilya panggonane pindah-pindah, saka kutha siji menyang kutha sijine.

              
             Sajroning pindah saka kutha siji menyang kutha sijine Jendral Sudirman akeh nemoni rubeda, amarga kabeh tindak tanduke tansah diawasi maring penjajah. Mula kala mangsane mlakune Jendral sudirman lan para pendhekare melbu metu alas, kadang kala leren ana njero alas nganti pirang-pirang dinakanggo nyusun kekuawatan.

              
             Rikala semana Jendral Sudirman mandegi perang gerilya ana ing tlatah Ngayoryakarta, Surakarta, Madiun, lan Kediri. Pak Dirman anggone ngadani perang gerilya kurang lewih pitung sasi. Ana sajroning perang, Pak Dirman wes tau nandhang gerah, mulane mrana-mrene tansah ditandhu karo pendhekare. Nadyan mengkono awit saka kemurahan Gusti, Walanda kalah perange lan kutha Ngayogyakarta bali menyang penguasane negara Republik Indonesia.

               
              Tanggal 10 Juli 1949 Panglima Besar Jendral Sudirman kondur menyang Ngayogyakarta kanthi ditandhu. Rakyat pada bungah lan aweh pangurmatan dening Jendral Sudirman. Kondure Jendral Sudirman didherekake Letnan Kolonel Soeharto, tekan Ngayogyakarta Jendral Sudirman dipethuk dening Kolonel Suhud lan dienekake Upacara Pangurmatan

               
              Tanggal 29 Januari 1950 Jendral Sudirman ketimbang ing ngarsaning Gusti tekan yuswa 34 taun. Layune kasarekaken ana Taman Makam Pahlawan Kusumane negara Semaki Ngayogyakarta. Bangsa indonesia kelangan pahlawan luhur kang uripe ditohake jiwa ragane kanggo mulyaning bangsa lan negara Indonesia.

Nama  : Muhammad Johan Arifin
NIM     : 11205244029
Kelas   : PBD G 2011
Jur       : PBD / Jawa

Biografi

Assalamualaikum Wr. Wb

                Nami kula Muhammad Johan Arifin, kula miyos 15 Desember 1992 wonten ing Sleman kepengker utawi sampun 21 sakmenika. Kula lare nomer 2 saking 3 sedherekipun. Kula punika rumiyin nalika taksih alit studi ing TK Aba Kutu Asem, celak kaliyan griya kula. Wonten mrika kula 2 taun, lajeng wonten ing SD Demangan laminipun 6 taun, salajengipun wonten ing SMPN 15 Yogyakarta 3 taun, lajeng wonten ing SMA Taman Madya Jetis YK 3 taun, lajeng ketampi seleksi mandiri wonten ing Universitas Negeri Yogyakarta kanthi jurusan Pendidikan Bahasa Daerah (Jawa). Kula rumiyin estu gadhah cita-cita dados guru, ananging dereng mangertosi guru menapa. Lajeng sakmenika nembe studi minggah semseter 6, mugi-mugia mbenjang saged a kaleksanan punapa ingkang dipun cita-citakaken. Amin. Lajeng hobi kula menika kathah sanget, antawisipun gowes/nyepedha, maen PS, ngaji, minggah gunung, plesir ing papan wisata, lan tilem. Kula punika estu tiyang ingkang sederhana, boten remen kaliyan hura-hura. Dipunparingi gesang punika boten kangge hura-hura, ananging kangge ngabekti dhumateng ingkang akarya jagad. Kula punika nalika taksih bocah, sampun dipunparingi pangertosan babagan ilmu agama wonten ing lingkup keluarga. Nalika sakmenika sampun dados watak kula. Lajeng kula punika kalebet tiyang ingkang nggadahi jasmani/badan ingkang nginggil amargi kula punika turunanipun saking simbah buyut, sedaya sedherek kula inggih sami inggil sanajan tiyang sepah kekalih kula boten inggil.

Nama  : Muhammad Johan Arifin
NIM     : 11205244029
Kelas   : PBD G 2011
Jur       : PBD / Jawa

FEATURE BALI (Obyek Wisata)

Kaendahaning Gunung Batur, Danau Batur saha Trunyan

 

 

Gunung Batur

          

         Pulo Bali kalebet salah satunggaling tlatah ingkang dados tujuan rekreasi para turis domestik saha mancanagara. Kaendahaning alam Pulo bali punika sampun misuwur wonten ing seantero nuswantara ugi mancanagari. Salah satunggaling kaendahan alam wonten ing Tlatah Bali inggih punika Gunung & Danau Batur. Gunung Batur ingkang nginggilipun 1717 m dpl punika wonten ing sisih kilen, menawi Danau Batur wonten ing sisih wetanipun Gunung Batur.

 

Danau Batur

        

           Danau Batur punika, Danau ingkang ageng tinimbang danau sanesipun wonten ing Bali, ombakipun ugi langkung ageng. Wonten ing sapinggiring Danau Batur, wonten pasareyan ingkang boten limrah kados pasareyan wonten ing pundi kemawon. Naminipun, Trunyan! Dipunwastani boten limrah amargi, cara nyarekaken jenazah punika boten kadosta wonten pasareyan lintunipun kanthi dipendhem wonten ing siti, ananging namung dipungletakaken wonten ing sanduwuring siti wonten ing sangandhaping wit Taru Menyan. 

 

Regol mlebet pasareyan

 

           Trunyan saking tembung Taru Menyan. Wit Taru Menyan punika saged netralisir ambu ingkang boten sekeca saking jenazah. Wit punika kirang langkung sampun atusan taun, amargi ageng sanget. Aura mistis, kraos sanget wonten kompleks Trunyan punika, dados kita kedah njagi etika saha unggah ungguh menawi mlebet. 

 

 

Wit Taru Menyan

      

           Wonten Trunyan, kathah tengkorak saha balung-balungan ingkang sami pating glethak wonten ing pundi papan. Pramila, wonten paugeran bilih barang punapa kemawon ingkang wonten ing Trunyan boten pareng dipunbeta wangsul. Menawi dipunlanggar, mangkih saged kadadeyan prekawis ingkang boten sae.

 

 

Tengkorak & Balungan

            Nalika rombongan stuba PBD wonten ing Trunyan saged mirsani jenazah ingkang dipunsarekaken boten dangu, dados taksih wujud jenazah ingkang enggal. Nanging menawi mirsani kedah gadhah mental ingkang kiyat supados boten ajrih nalika mirsani.

          Jenazah enggal

Nama  : Muhammad Johan Arifin
NIM     : 11205244029
Kelas   : PBD G 2011
Jur       : PBD / Jawa